ജനനം മുതൽ 6 മാസം വരെ:

*കണ്ണുകളിലേക്ക് നോക്കിയുള്ള സമ്പർക്കം (eye contact) കുറവ്.

*മുഖത്തുനോക്കി ചിരിക്കാതിരിക്കുക (social smile).

 * മാതാപിതാക്കളുടെ മുഖഭാവങ്ങളോട് പ്രതികരിക്കാതിരിക്കുക.

 * ശബ്ദങ്ങളോട് ശ്രദ്ധ കാണിക്കാതിരിക്കുക.

6 - 12 മാസം:

 * പേര് വിളിച്ചാൽ തിരിഞ്ഞു നോക്കാതിരിക്കുക.

 * രണ്ടക്ഷരങ്ങൾ ചേർത്തുള്ള കുഞ്ഞുവാക്കുകൾ പറയാതിരിക്കുക (മമ്മ, ബബ്ബ... തുടങ്ങിയവ).

 * കളികളിൽ (ഒളിച്ചു കളി / peek-a-boo) താല്പര്യമില്ലാതിരിക്കുക.

 * വിരൽ ചൂണ്ടി കാണിക്കാതിരിക്കുക.

 * റ്റാറ്റാ (Tata) കാണിക്കാതിരിക്കുക.

 * മറ്റുള്ളവരെ അനുകരിക്കാതിരിക്കുക.

12 - 18 മാസം:

 * 12 മാസമായിട്ടും വാക്കുകൾ പറയാതിരിക്കുക.

 * ആംഗ്യഭാഷ (gestures) ഉപയോഗിക്കാതിരിക്കുക.

 * ഒപ്പമുള്ളവരുമായി ചേർന്ന് ഒരു കാര്യത്തിൽ സംയുക്ത ശ്രദ്ധ (joint attention) കാണിക്കാതിരിക്കുക.

 * കളിപ്പാട്ടങ്ങൾ അസാധാരണമായ വിധം ഉപയോഗിക്കുക. (ഉദാഹരണത്തിന്: കളിപ്പാട്ടം ഉപയോഗിക്കാതെ അതിലെ ചക്രം മാത്രം തുടർച്ചയായി കറക്കുക).

18 - 24 മാസം:

 * 16 മാസത്തിൽ ഒരു വാക്ക്, 24 മാസമെത്തുമ്പോൾ രണ്ട് വാക്കുകളുള്ള വാചകം എന്നിവയൊന്നും കുട്ടിക്ക് പറയാൻ കഴിയാതിരിക്കുക.

 * 'ഇങ്ങോട്ട് വരൂ', 'ഇത് എടുക്കൂ' എന്നിങ്ങനെയുള്ള ലളിതമായ നിർദ്ദേശങ്ങൾ പിന്തുടരാൻ കഴിയാതിരിക്കുക.

 * ജീവിതത്തെ അനുകരിച്ചുള്ള പ്രതികരണങ്ങൾ (pretend play) ഇല്ലാതിരിക്കുക. ഉദാഹരണത്തിന്: പാവയ്ക്ക് ഭക്ഷണം കൊടുക്കുന്നതായി നടിക്കുക, ഫോണിൽ സംസാരിക്കുന്നതായി അഭിനയിക്കുക തുടങ്ങിയവ.

 * മറ്റു കുട്ടികളുടെ സാന്നിധ്യത്തിൽ താല്പര്യം കാണിക്കാതിരിക്കുക.

 * താല്പര്യങ്ങൾ വളരെ പരിമിതമായിരിക്കും. അതായത് ഒന്നോ രണ്ടോ കാര്യങ്ങളിൽ മാത്രമായിരിക്കും ശ്രദ്ധ മുഴുവൻ.

 * ഒരേ വാക്കുകൾ തന്നെ ആവർത്തിച്ചു പറയുക.