എന്താണ് മെനിഞ്ചൈറ്റിസ്?

തലച്ചോറിനെയും സുഷുമ്നാ നാഡിയെയും സംരക്ഷിക്കുന്ന മൂന്ന് പാളികളുള്ള ആവരണമാണ് മെനിഞ്ചസ് (Meninges). ഈ ആവരണങ്ങൾക്ക് ഉണ്ടാകുന്ന വീക്കം അല്ലെങ്കിൽ അണുബാധയെയാണ് മെനിഞ്ചൈറ്റിസ് (Meningitis) എന്ന് വിളിക്കുന്നത്. സാധാരണയായി ഇത് മെനിഞ്ചസിന്റെ ഉൾപ്പാളികളായ ലെപ്റ്റോമെനിഞ്ചസ് (Leptomeninges)നെ ബാധിക്കുന്നു. സമയബന്ധിതമായി ചികിത്സ ലഭ്യമാകാത്ത പക്ഷം ഇത് ഗുരുതരമായ ആരോഗ്യപ്രശ്നങ്ങൾക്ക് കാരണമാകാം.

കാരണങ്ങൾ (Causes):

*അണുബാധകൾ (Infections):

ബാക്ടീരിയ,വൈറസ്,

ഫംഗസ്,പരാദങ്ങൾ (Parasites) ഇവയാണ് മെനിഞ്ചൈറ്റിസിന്റെ ഏറ്റവും സാധാരണമായ കാരണങ്ങൾ.

*മറ്റ് കാരണങ്ങൾ:

ലൂപ്പസ് (Lupus) പോലുള്ള സ്വയം പ്രതിരോധ വ്യവസ്ഥയെ ബാധിക്കുന്ന രോഗങ്ങൾ (Autoimmune diseases),ചില മരുന്നുകളോടുള്ള പ്രതികരണം,ചില കാൻസർ സംബന്ധമായ അവസ്ഥകൾ തുടങ്ങിയവ.

രോഗലക്ഷണങ്ങൾ (Symptoms):

മെനിഞ്ചൈറ്റിസിന്റെ പ്രധാനമായ മൂന്ന് ലക്ഷണങ്ങൾ:

*കഠിനമായ തലവേദന

*പനി

*കഴുത്തിൽ പുരിമുറുക്കം (Neck stiffness)

കൂടാതെ താഴെ പറയുന്ന ലക്ഷണങ്ങളും കാണാം:

വെളിച്ചത്തോട് അസ്വസ്ഥത (Photophobia),

ശബ്ദത്തോട് അസ്വസ്ഥത (Phonophobia),

അപസ്മാരം (Seizures),

മാനസികാവസ്ഥയിലെ മാറ്റങ്ങൾ (Confusion),

ഛർദ്ദി.

രോഗനിർണ്ണയം (Diagnosis):

മെനിഞ്ചൈറ്റിസ് സ്ഥിരീകരിക്കാൻ ഡോക്ടർമാർ വിവിധ പരിശോധനകൾ നടത്തുന്നു.

*ശാരീരിക പരിശോധന (Physical examination)

*ലംബാർ പങ്ചർ (Lumbar Puncture)-ഇത് പ്രധാനപ്പെട്ട ഒരു പരിശോധനയാണ്. സുഷുമ്നാ നാഡിയുടെ താഴ്ഭാഗത്തിൽ നിന്ന് സെറിബ്രോസ്പൈനൽ ഫ്ലൂയിഡ് (CSF) ശേഖരിച്ച് പരിശോധിക്കുന്നു.

CSF പരിശോധനയിൽ

പ്രധാനമായും പരിശോധിക്കുന്നത്-

വെള്ള രക്താണുക്കളുടെ എണ്ണം,പ്രോട്ടീൻ അളവ്,ഗ്ലൂക്കോസ് അളവ്.

(ബാക്ടീരിയൽ മെനിഞ്ചൈറ്റിസിൽ

ഗ്ലൂക്കോസ് അളവ് കുറവായിരിക്കും,

പ്രോട്ടീൻ അളവ് കൂടുതലായിരിക്കും)

ചികിത്സ (Treatment):

രോഗത്തിന്റെ കാരണത്തിന് അനുസരിച്ചാണ് ചികിത്സ നൽകുന്നത്.

*ബാക്ടീരിയൽ മെനിഞ്ചൈറ്റിസ്-

ആന്റിബയോട്ടിക്കുകൾ,സ്റ്റിറോയിഡുകൾ (വീക്കം കുറയ്ക്കാൻ), അപസ്‌മാരത്തിനുള്ള മരുന്നുകൾ.

*വൈറൽ മെനിഞ്ചൈറ്റിസ്:

ആന്റിവൈറൽ മരുന്നുകൾ നൽകുന്നു,

വിശ്രമവും സപ്പോർട്ടീവ് ചികിത്സകളും ആവശ്യമാണ്.

*ഫംഗൽ മെനിഞ്ചൈറ്റിസ്:

ആന്റിഫംഗൽ മരുന്നുകൾ നൽകുന്നു.

മെനിഞ്ചൈറ്റിസ് എങ്ങനെ തടയാം (Prevention):

ആവശ്യമായ വാക്സിനുകൾ എടുക്കുക,ശുചിത്വം പാലിക്കുക,രോഗബാധയുള്ള ആളുകളുമായി അടുത്ത സമ്പർക്കം ഒഴിവാക്കുക.

മെനിഞ്ചൈറ്റിസും എൻസെഫലൈറ്റിസും (Encephalitis) തമ്മിലുള്ള പ്രധാന വ്യത്യാസം :

തലച്ചോറിനെ ബാധിക്കുന്ന വീക്കത്തെയാണ് എൻസെഫലൈറ്റിസ് (Encephalitis) എന്ന് വിളിക്കുന്നത്. സാധാരണയായി വൈറസ് അണുബാധ മൂലമാണ് ഇത് സംഭവിക്കുന്നത്.

എന്നാൽ,

തലച്ചോറിനെയും സുഷുമ്‌ന നാഡിയെയും സംരക്ഷിക്കുന്ന മെനിഞ്ചസ് എന്ന ആവരണത്തെ ബാധിക്കുന്ന വീക്കമാണ് 

മെനിഞ്ചൈറ്റിസ്.